I Lesja kommune finst det fleire trygge vaksne og tenester du kan snakke med dersom du har bekymringar, tankar eller kjensler knytt til trivsel. Du skal alltid kunne finne nokon å snakke med – anten det gjeld deg sjølv, ein ven eller nokon i familien.

Om du har god kontakt med ein lærar eller ein annan vaksen du har tillit til, kan du snakka med dem. Dei kan òg hjelpe deg vidare til rett teneste, ut frå kva du har behov for.

Alle som arbeider med barn og unge i Lesja kommune har teieplikt. Det betyr at dei ikkje kan dele opplysningar med andre utan samtykke frå deg, med mindre det ligg føre lovpålagde unntak. Du kan lese meir om dei ulike tenestene i kommunen på nettsidene våre.

Alarmtelefonen for barn og unge som er utsette for vald, overgrep eller omsorgssvikt kan kontaktast på telefon 116 111. Det er òg mogleg å chatte med ein vaksen gjennom alarmtelefonen sine nettsider – trykk her.

Å dele tankar og bekymringar med andre kan gi støtte, nye perspektiv og hjelp til å finne løysingar. På nettsida «Snakk med nokon» finn du ei oversikt over tenester du kan kontakte dersom du ønskjer svar på spørsmål eller vil prate med nokon anonymt – via telefon eller chat.

Råd og tips (lenkjer)

Barneombudet – skal ivareta rettane til barn og unge og sikre at stemmene deira blir høyrde i samfunnet.

Jeg vil vite – kva veit du om vald og overgrep?

Ung.no – er staten si informasjonskanal for ungdom. Her finn du informasjon, rettleiing og ei spørjeteneste der du kan stille spørsmål om det du lurer på. Målgruppa er ungdom mellom 13 og 20 år.

Kvifor kan det hjelpe å snakke med nokon? – om du har det vanskeleg, er det viktig å snakke med nokon om det. Men kvifor hjelper det eigentleg, og korleis kjem du i gang med samtalen?

Snakk med nokon – å dele tankar og bekymringar med andre kan gi støtte, nye perspektiv og hjelp til å finne løysingar. På denne nettsida finn du ei oversikt over tenester du kan kontakte dersom du ønskjer svar på spørsmål eller vil prate med nokon anonymt – via telefon eller chat.

Slettmeg – tilbyr råd og rettleiing for å få fjerna informasjon om deg på nettet, og hjelper deg med å forstå personvern og dine digitale rettar

Kors på halsen – samtaletilbud fra Røde Kors for alle opp til 18 år. Tjenesten er åpen mandag–fredag kl. 14:00–22:00 på telefon 800 333 21

Om psykisk helse på Helsenorge – oversikt over fleire hjelpetilbod på telefon og nett som er nyttige når barn eller ungdom slit psykisk

Sex og samfunn – her finn du mellom anna seksualundervisning og råd om seksuell identitet. Du kan òg chatte anonymt med helsepersonell på iChatten

Rusopplysningen – les meir om rusmiddel

Kontakt

Kommunen

Tjenesteoversikt

Tilbakemeldinger